DETENCION DI PATRICK VAN DER EEM PROLONGA

ORANJESTAD (AAN): Su comportacion ultimo dianan riba caya, y tambe den algun lugar no tabata esun mas ehemplar. 

Kico exactamente a socede, no ta conoci, pero denuncia di menaza tin contra e conocido Patrick van der Eem, un persona naci na Curacao pero biba na Hulanda, y cu a bira mundialmente famoso pa su entrevista di hidden-video cu Joran van der Sloot.   El a keda deteni na un Highrise Hotel, y pa colmo den su poder a haya droga tambe.

   Diahuebs mainta el a presenta dilanti Huez Comisario, kende a revisa su folder di detencion, e acusacion, y e proceso di interogacion.  Como cu tabata un dia hopi pisa pa Corte, a dicidi cu ta prolonga cu detencion cu 8 dia, pa interogacion por sigui.

   Sinembargo tin indicacion cu awe Diabierna, Huez Comisario lo por revisa e folder un biaha mas extenso, y tene consideracion cu e opinion di Abogado, y por duna un cambio riba esaki. 

 Expertonan a mustra cu muy probablemente esey lo no socede, pues Patrick van der Eem lo keda drumi riba cama di beton por lo pronto.

Back