RECLAMO RIBA SECURITY DI DIMAS UN BIAHA MAS

ORANJESTAD (AAN): Un dama balente, no a kere loke a pasa cune Diaranzon mainta na Oficina di Dimas na Playa! El a lanta trempan, pa asina acudi na Dimas cu un solo meta:  “Bay busca informacion”. El a yega, drenta, saluda tur hende y como debe ser a bay para den rij.  E rij tabata move poco-poco, pero tur hende tin pasenshi.

   Despues cu e tabatin como 3 ora caba para den rij, diripiente e dama a ricibi yamada na su Celular.  Ta su casa ta para pafor, y a puntre si e por a sali un rato pa dune placa.   E dama a check su holoshi, y a nota cu tin 11:30 a.m.  Pues falta mey ora ainda prome cu 12’or bati.  

MPA A LOGRA HOPI CU 1 ASIENTO 

ORANJESTAD (AAN): Matutino DIARIO a tuma nota, cu MPA a traha un foyeto na unda MPA a pone e logronan di MPA. MPA a hay’e importante pa informa e pueblo di e logronan di MPA.

   Cu un asiento MPA a logra mas cu e otro parlamentarionan hunto. Hopi biaha e pueblo no sa kico ta pasa den parlamento. Ken ta presente of no. Y ta berdad cu tin parlamentario cu no sa presenta mes na parlamento y ta campañia desde 2005. MPA ta di opinion cu bo ta worde paga pa traha na parlamento, aunke e no ta bisto pa pueblo. Y MPA ta esun cu un asiento a haci mas cu otro.

POLITICONAN NOBO ARIBA LISTA DI MEP MESTER TENE CUIDAO

ORANJESTAD (AAN): Manera a worde raporta, for di varios skina di Aruba ta drentando informacionnan di e asina yama “Pakete di Oferta” di Nel Oduber pa candidatonan potencial ariba lista di MEP. E problema cu esaki tin cune no ta nada di hari.

Na e momentonan aki tin tramitenan ta worde haci pa Hulanda cuminsa un investigacion ariba corupcion bao di e ultimo 8 añanan di gabinete Oduber, claramente lidera pa Nel Oduber.

RAPORT A LEK UNDA TIN PRUEBA CU NEL ODUBER KIER SABOTEA PLAN PA MEHORA GOBERNACION NA ARUBA

ORANJESTAD (AAN):  Nos coresponsal na Amsterdam,  Godfried Adem ta informa cu e carta cu keho aden cual Sr. Nel Oduber a manda pa presidente di parlamento Hulandes no a dune efecto necesario y mas bien a bira un' item' di hilaridad pa esnan cu a lansa criticanan ofensivo den su direccion.    Nel Oduber a keha debi cu partidonan den oposicion na Hulanda cual ta PVV y SP a yama e.o. 'bandido di mas grandi cu tin riba Aruba, y tambe bisa ke ta inconfiable.

   Sr Raak di SP a bisa bon cla ayera cu e lo no hala su palabranan atras y a bolbe ripiti un biaha mas den  cu Nel ta un mandatario inconfiable.  El a bisa acerca cu tin un raport interno cual a lek y yega Hulanda den cual ta proba cu Oduber a sabotea iniciativanan pa mehora gobernacion na Aruba.  

MUCHA HOMBER TA CANA CU MACHETE TA MENAZA HENDE 

ORANJESTAD.(AAN): Diamars anochi, e mucha muhernan  M.L. y D.P. ambos di 16 aña hunto cu e mucha homber B.C. di 18 aña, ta presenta na warda Oranjestad. E trio di hobennan aki ta declara cu nan kier entrega keho contra di e mucha homber inicialnan M.M. cu ta biba den Dakota.

   Segun e hobennan M.M. lo ta core den un auto modelo  Tercel color blanco. Segun e informe policial aparentemente diasabra anochi M.M. lo a bay na cas di e mucha muher M.L. na Bloemond menace cu machete.