RAPORT A LEK UNDA TIN PRUEBA CU NEL ODUBER KIER SABOTEA PLAN PA MEHORA GOBERNACION NA ARUBA

E guera a intensifica y Hulanda no ta baha cabez! 

ORANJESTAD (AAN):  Nos coresponsal na Amsterdam,  Godfried Adem ta informa cu e carta cu keho aden cual Sr. Nel Oduber a manda pa presidente di parlamento Hulandes no a dune efecto necesario y mas bien a bira un' item' di hilaridad pa esnan cu a lansa criticanan ofensivo den su direccion.

   Nel Oduber a keha debi cu partidonan den oposicion na Hulanda cual ta PVV y SP a yama e.o. 'bandido di mas grandi cu tin riba Aruba, y tambe bisa ke ta inconfiable.

   Sr Raak di SP a bisa bon cla ayera cu e lo no hala su palabranan atras y a bolbe ripiti un biaha mas den  cu Nel ta un mandatario inconfiable.

   El a bisa acerca cu tin un raport interno cual a lek y yega Hulanda den cual ta proba cu Oduber a sabotea iniciativanan pa mehora gobernacion na Aruba.  

   Raak a agrega acerca y ta yama Nel Oduber afo, y ta bisa cu e lo conteste riba su carta infantil cu Nel a manda pa presidente di parlamento Hulandes.

   Raak lo skirbi aden cu su responsabilidad ta cerca e pueblo votado y no cerca Nel oduber  prome minister di Aruba.  

   El a bisa textualmente;  "Hierin zal ik hem zeggen dat ik verantwoording afleg aan de kiezers en niet aan hem.”   Ta parse cu e guera entre politiconan Hulandes y gabinete Oduber ta intensifica.

   For di  Hulanda Tweede Kamer ta mustra bon cla cu nan ta para a lo macho y lo no baha cabez pa Gobierno di Aruba.

   Ta parse cu nos ta den un wega di baseball y ta den bom di e noveno inning caminda Hulanda tin tur base yena y ta warda pa dal un toque di sacrificio pa gana e wega aki di forma facil.

   Te con leu Aruba por keda wanta e tension aki cual ta uno cu ta coi un rumbo hopi mahos den Reino ta keda e pregunta.

   E hecho ta cu Hulanda no kier mira fechorianan cual nan no por controla mas tuma luga den Reino.

   Nos fuentenan ta informa cu por spera prome cu eleccion un cantidad respetable di autoridadnan policial,  hudicial y di otro entidad Hulandes na Aruba.

   Loke Hulanda tin tambe miedo pe ta cu durante eleccion y campaña electoral cos lo bay sali for di man na Aruba y ta teniendo debidamente cuenta cu esaki.

   Ta ser papia di un task force cu lo bula prome cu eleccion pa Aruba. Esaki y no tin mester di keda acepta den Conseho di Ministro di Reino. 

   No mester lubida cu den pasado durante dos eleccion na Aruba dos ciudadano a bin perde nan bida debi na violencia esaki Hulanda tin tambe registra y no a lubida.   

Back