|
 |
|
|
|
|
|
|
Grupo disgusta den
MEP ta reacciona RUDY NO POR PASA PUESTO OVER PA UN MIEMBRO DI FAMIA
ORANJESTAD
(AAN): Atrobe disparate ta sali publica den otro corant, y un grupo di
MEP no ta djis guli manda abao! E asunto ta regarda Rudy. Hendenan
por corda claramente, con Rudy a laga sa, cu ta dos aña so e ta keda
riba e puesto di Ministro cu e tin aworaki.
E grupo
no ta kere e storia, cu hendenan di MEP awor ta haciendo suplica pa Rudy
pa e keda full e termino di 4 aña. “Nos sa cu Rudy kier a nombra un
miembro di famia pa bay ocupa su puesto di Ministro, pero no ta tur
hende den Partido a acepta esey.” |
|
|
|
Sindicato IOWUA a afilia oficialmente cu USW International Union
ORANJESTAD
(AAN): Diaranzon anochi, un firmamento historico a tuma lugar den sala
di reunion di YMCA San Nicolas, ora cu Sindicato IOWUA a firma un
convenio cu e sindicato mas grandi di mundo, esta “United Steel Workers”,
USW. |
|
|
|
RCA a titula campeon
di Copa Jo Wauben
ORANJESTAD (AAN): E
exitoso Torneo Copa Jo Wauben a conoce su campeon Diaranzon anochi na
Centro di Bario Tanki Lender, ora cu e team di RCA a gana Sportive cu
score di 4-3. |
|
|
Tin 1 ganador di 1.2
miyon Florin
ORANJESTAD (AAN): Esaki ta e
numbernan ganador di e sorteo di Lotto pa Deporte, cu a conoce e premio record
di 1.2 miyon Florin. |
|
|
Doño a keda den shock! AUTO NOBO A WORDE HORTA FOR DI DILANTI CAS Y LAGA
COMPLETAMENTE DESMANTELA!
ORANJESTAD (AAN)
-- Señor Robert (Robby) Tromp, un ciudadano trahador, biba na Shaba, a
acerca DIARIO pa conta nos cu hopi dolor na su curazon, kico a sosode
ayera mainta, ora cu el a lanta mainta tempran pa bay traha, y a topa cu e
sorpresa desagradable cu su auto no tabata mas para dilanti su cas. |
|
|
Tin indicacion fuerte cu: COMPANIA IMPORTANTE NA ARUBA A KITA 60
ARUBIANO CU “DRUG TEST” POSITIVO
ORANJESTAD
(AAN) -- For di fuente fidedigno, DIARIO a ricibi informacion cu den un
empresa hopi importante na Aruba, den cual 90% di su trahadornan ta
Arubiano, nan a dicidi di haci dos “drug test” na manera di sorpresa,
kiermen, sin a pone ningun hende sospecha cu esey lo sosode.
E prome “drug
test” a trece como consecuencia e retiro di 40 trahador, nan tur Arubiano,
debi cu e resultado di e test a sali positivo. Despues di un luna y pico,
e compania a bolbe haci otro test y e biaha aki ta 20 trahador a worde
kita, y atrobe ta hende local. |
|
|
|
HOMBER MALAMENTE AGREDI NA CURA CABAY
ORANJESTAD (AAN):
Diaranzon atardi, tanto Ambulans y Polis a acudi cu urgencia den
vecindario di Ideal Rumshop na Cura Cabay, como cu eynan un persona a
worde malamente bati. |
|
|
|
Aunke Polis ta traha riba e problema: SEGUN INSPECTOR VANESSA KOCK
HORTAMENTO DI AUTO A BIRA UN PROBLEMA DI TUR DIA
ORANJESTAD (AAN)
-- Inspector di Polis señora Vanessa Kock, di Departamento di Trafico, a
worde acerca pa DIARIO relaciona cu e situacion di hortamento di auto, cu
a lanta cabes masha pisa na Aruba.
Inspector
Vanessa Kock a menciona cu esaki ta un problema pa cual un par di aña pasa
a lanta un team, cu ta dedica su mes completamente na traha riba e
situacion di hortamento di auto.
Aworaki tin
un team cu ta consisti tambe di hende cu experiencia riba e tereno aki,
pero cu ta traha entre otro, riba e problema di joyriding. Inspector Kock
a subraya cu di parti di KPA nan ta haciendo lo maximo, no solamente for
di departamento di polis uniforma cu ta e promenan cu ta yega den casonan
asina, pero tambe pa loke ta trata Departamento di Recherche y e team cu
ta encarga specialmente cu e problema specifico aki. |
|
|
|
Despues di a keda algun dia den coma na Hulanda CESAR RUFINO RAS A
FAYECE
ORANJESTAD
(AAN): E noticia tristo a drenta for di Hulanda, cu e hoben Cesar Ras di
26 aña, a fayece den Hospital na Rotterdam. DIARIO a trece e informe
di e incidente den edicion di Diaranzon, mustrando cu durante un
incidente na e actividad di “Bavaria City Race” na Rotterdam, el a worde
golpia malamente, te cu el a bay for di tino. Hendenan a practica CPR
riba dje pa e cuminza hala rosea atrobe, y den condicion critico a worde
transporta pa Hospital. Aki el a keda den un coma, te ora cu el a
fayece den oranan di atardi. E golpinan na su cabez tabata demasiado
extremo. E fam cu a keda publica Diaranzon no tabata corecto, como cu
su fam ta Ras.
Autoridad Hulandes tin seis Security Guards deteni. Nan ta esnan cu
aparentemente a bati y pues asesina e hoben Arubiano aki. E security
guardnan aki tin edad di 20 pa 45 aña, y nan ta bin di e.o. Leeuwarden,
Arnhem, Mookhoek, y Heeg. DIARIO a haya sa cu Cesar Rufino Ras tin 26
aña di edad, y e ta trahando na Hulanda. Diaranzon mes, a tene un
“Marcha Silencioso” na Noorde Eiland, pa protesta loke a socede na e
evento, y tambe cu e hecho cu e hoben Arubiano a fayece. Cesar ta
acompaña, y e tin un yiu di 2 aña di edad. E lo worde treci Aruba pa
asina aki e worde hiba pa su ultimo lugar di sosiego. Su tata a fayece
algun aña pasa caba na Aruba. Su mama mes tin dos aña ta biba na Aruba.
Na famia di Cesar, DIARIO ta extende su mas profundo palabra di
condolencia. |
|
|
|
|
|
|
|
