HULANDA TA
VIGILANDO DESAROYONAN DI ELECCION HOPI DI ACERCA NA ARUBA
Tin plannan
traha caba pa interveni si cos sali for di man
ORANJESTAD (AAN):
Hulanda ta vigilando desaroyonan rond di eleccion na Ariba hopi di
acerca y minuciosamente.Asina fuentenan yega na servicionan oficial na
Hulanda a seņala coresponsal di DIARIO, Godfried Adem, na Hulanda.
Ta asina cu
seņalnan cual a yega Hulanda ta hopi preocupante y ta indicando cu lo
tin un enorme tension ne momento aki na Aruba pa cual Hulanda a laga
esaki worde monitor pa autoridadnan Hulandes staciona na Aruba.
Ta bini acerca cu Hulanda no ta complaciente pa e forma con e lider
di partido den gobernacion sr Nel Oduber a bin ta actua ultimo tempo
unda cu pa Hulanda te hasta tabatin violacion y metemento den e poder
hudicial na momento cu el a kita tareanan y poder di e Halto Comisario
di Polis for di esaki.
Despues esaki a ser coregi pero esaki keda como un smak amargo y un
sumpiņa den wowo di Hulanda. Hulanda y oberservadornan Hulandes na Aruba
ta teniendo cuenta cu den ultimo curva di e campaņa politico aki unda
MEP y AVP ta mano-a-mano, cosnan por sali for di man.
Ley di Reino ta duna Hulanda tur derecho pa interveni y trece
trankilidad back na Aruba si esaki ta necesario. Sigur si autoridadnan
policial riba e isla aki mes no por acapara ke caso aki.
Riba pregunta di DIARIO, di cual forma Hulanda lo por interveni si
cosnan mester sali for di man y si autoridadnan policial Arubano mes no
por controla esaki pa garantiza seguridad nacional, e fuente a seņala
cu no mester lubida cu for di siman pasa tin un compania di marinier bon
prepara staciona na base Militar na Curaįao cu por yega Aruba den escaso
mey ora pa tres cuarto di ora.
E compania aki cual algun tempu pasa a keda institui y cu ta carga
e nomber di Commando Landstrijdkrachten (CLAS) tin tarea tambe di
establece orden y duna sostene na autoridadnan policial y tey pa
salbaguardia esaki den parti west di reino Hulandes.
No ta spera cu esaki mester yega asina leu. DIARIO a compronde cu
tin continuamente tambe contact estrecho entre VNO, Gobernador y Hulanda
y cu tin cierto escenarionan ya caba diseņa pa cualkier eventualidad.
Back
